وقال رامي صبري: مش عارف الناس مضايقة ليه من الاستوري بتاعتي رغم أنها حقيقة وأنا مش هعمل حاجة إلا لما تكون مختلفة وجديدة والمشكلة أن المطربين مش كتير على عكس الشعراء والملحنين.
ويذكر أن رامي صبري علق على حديث بعض الملحنين والشعراء، بسبب قلة عملهم وعدم رد الفنانين عليهم، تزامنًا مع شكوى الملحن نادر نور عبر مواقع التواصل الاجتماعي قائلًا: عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة.
ومن ناحية أخرى فقد أثار الملحن نادر نور جدلًا عبر مواقع التواصل الاجتماعي بالأمس، عقب توضيحه سبب ابتعاده عن الساحة الفترة الماضية، ولماذا لا يتعاون معه بعض الفنانين، إذ كتب عبر حسابه الشخصي بـ فيس بوك: بعتذر لكل الناس اللي بتبعتلي كلمات أغاني من فضلكم متبعتوش تاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر أساعدك بها لأني ببساطة محتاج اللي يساعدني.
واستكمل قائلًا: للناس اللي بتتهمني بالكسل والتقصير أنا فعلا بعدت فترة لأسباب شخصية وبحاول أرجع من 3 سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول أشتغل معاه للمرة الأولى.. ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا، واللي بيرد على التليفون مرة مبيردش تاني وبقيت أحس بالرفض وعدم التقبل وأنا مش متعود أزن على حد أو أطلب الحاجة أكتر من مرة بشكل يقلل مني.
]]>