وقال رامي صبري عبر حسابه بـ إنستجرام: عدم الرد على ملحنين ومؤلفين أو مبدعين بشكل عام، هو عدم التجديد، وإن مافيش أفكار مختلفة.

وسبق، وأثار الملحن نادر نور جدلًا واسعًا عبر مواقع التواصل الاجتماعي بالأمس، عقب توضيحه سبب ابتعاده عن الساحة الفترة الماضية، ولماذا لا يتعاون معه بعض الفنانين، إذ كتب عبر حسابه الشخصي بـ فيس بوك: بعتذر لكل الناس اللي بتبعتلي كلمات أغاني من فضلكم متبعتوش ثاني.. معنديش مشاريع شغال عليها ولا نجوم بتسمع مني أغاني ولا عندي حاجة أقدر أساعدك بها لأني ببساطة محتاج اللي يساعدني.

وأردف: للناس اللي بتتهمني بالكسل والتقصير أنا فعلا بعدت فترة لأسباب شخصية وبحاول أرجع من 3 سنين ومش عارف.. مسيبتش باب مخبطتش عليه.. فقدت التواصل مع الأغلبية العظمى داخل الوسط الغنائي منهم نجوم اشتغلت ونجحت معاهم ومنهم اللي بحاول أشتغل معاه للمرة الأولى.. ومنهم اللي عشرة عمر ومشوارنا بدأناه مع بعض وأحلام حلمناها ونجاحات حققناها سوا، واللي بيرد على التليفون مرة مبيردش تاني وبقيت أحس بالرفض وعدم التقبل وأنه مش متعود أزن على حد أو أطلب الحاجة أكثر من مرة بشكل يقلل مني ومن احترامي لنفسي بعد كل اللي قدمته حتى لو كان قليل فهو كبير من وجهة نظري، أخيرًا معنديش مشاكل مع حد ولا بكتب الكلام ده لكسب تعاطف حد، وكل الاحترام والتوفيق لزملائي أنا مش زعلان من حد.

كما استجاب المستشار تركي آل الشيخ رئيس هيئة الترفيه، لطلب أصدقاء الملحن نادر نور بتوفير مشاريع فنية، وكتب عبر صفحته الرسمية بـ فيس بوك: أنت فنان كبير وأحب أشتغل معاك.