وقالت ريهام حجاج، في ندوتها بالقاهرة 24: أنا مؤمنة أن الفن رسالة، ولو عاملة مجهود إني إصور عدد شهور وبنعرض في عدد ساعات وعدد حلقات ليه كل ده يروح على الفاضي من غير ما نقول حاجة ونفيد بيها الناس؟، الدين أصلًا معاملة ومن واجب الفن أن يكون في حاجة تتقال وتكون محترمة تفيد وتنور حاجة عند الناس.
View this post on InstagramA post shared by القاهرة 24 (@cairo24)
وأردف ريهام حجاج: بعد مسلسل توابع في ناس كتير أوي حست بالناس اللي وقع عليها ابتلاء مرض أولادهم بضمور العضلات الشوكية، وناس كتير اتبرعت، على الأقل أبسط هتبصي لحياتك وتقولي الحمد لله، ولو حد اتفرج على المسلسل وقال الحمد لله دي حاجة كبيرة أوي بالنسبة ليا، لأن ده معناه الرضا والرضا مبيوصلش غير لما بنشوف الابتلاءات.
وأضافت ريهام حجاج: إحنا على السوشيال ميديا طول الوقت بنتصور بأحلى لبس عندنا والعربيات والطائرات، ولكن الحياة فيها ابتلاءات، ورسالة الفن إنك توصلي للناس أن أنتوا كويسين والحياة مش وردي وفي أمل ونصلح الأخطاء ونفهم الدنيا بطريقة أعمق، طول الوقت بحب أن المسلسل يبقى بيتكلم عن حاجة.
وعلى جانب آخر، حققت الفنانة ريهام حجاج، نجاحًا كبيرًا في الموسم الرمضاني الماضي 2026، من خلال مسلسلها توابع الذي ناقشت خلاله معاناة الأهل مع مرض أولادهم بضمور العضلات الشوكية، وشاركها في بطولة العمل كل من الفنان محمد علاء، هاني عادل، أسماء أبو اليزيد، أنوشكا، والعمل من تأليف محمد ناير، وإخراج يحيى إسماعيل.
]]>